A 16 edición de Play-Doc acadou máis de 15.000 visualizacións en streaming
martes, 10 de novembro do 2020
O
equipo organizador do Festival Internacional de Cinema de Tui,
Play-Doc, que se celebrou o
pasado mes de setembro apostando fortemente polas ferramentas online,
fixo balance dos froitos acadados na súa edición 2020, sen dúbida
a máis dixital da súa historia. Segundo fixeron saber os directores
do certame, Sara García e Ángel Sánchez, malia as medidas
restritivas de aforamento, “as actividades programadas tiveron unha
gran afluencia de público consolidando as súas cifras de
asistencia”, conseguíndose por exemplo 1.883 espectadores. Polo
que se refire ás proxeccións a través da Rede, o festival foi quen
de ampliar o seu alcance a todo o territorio nacional grazas á súa
versión online impulsada en colaboración coa plataforma de
streaming Filmin chegando a máis de 15.000 visualizacións en
tan só 10 días.
Máis
60 películas procedentes de 21 países conformaron unha programación
na que se puido gozar das obras de realizadores noveis, importantes
estreas, así como retrospectivas e ciclos especiais dedicados a
cineastas consagrados e xoias ocultas do cinema nacional e
internacional.
Ao
mesmo tempo que fixo balance, a organización do Play-Doc abriu xa a
nova convocatoria para a recepción de traballos con vistas á súa
edición 17ª, que está prevista para 2021. Na web do festival
xa se poden consultar os requisitos para a inscrición de proxectos.
Play-Doc
Festival é posíbel grazas ao apoio da Xunta de Galicia, Xacobeo 21,
AGADIC, Deputación de Pontevedra, Concello de Tui, ICAA, Instituto
da Cinematografía e das Artes Audiovisuais, Estrella Galicia, Gadis,
AC/E Acción Cultural Española, e outras entidades públicas e
privadas.