A Asociación de Xestores de Innovación presenta liñas estratéxicas e primeiros casos de éxito o día 30 en Santiago
venres, 19 de outubro do 2012
- O edificio Cersia de Santiago, sede da actividade cos emprendedores e empresarios galegos
A Asociación de Xestores
de Innovación de Galicia (AXIGA)
preséntase en sociedade o vindeiro 30 de outubro cun acto que é
algo máis que un encontro cos medios: trátase dunha xornada de
traballo das/os integrantes deste novo colectivo, das/os integrantes
potenciais, de público en xeral interesado nas liñas de actuación
da plataforma e, tamén, de representantes de empresas galegas
ligadas á I+D. Entre estas últimas, atoparanse no acto varias
firmas vinculadas á AXIGA presentando cadanseu caso de éxito
empresarial impulsado polo coñecemento tecnolóxico posto en xogo.
Por exemplo a firma TIC Ednon ou Qualinnova Consulting, especializada
na consultoría ligada ás I+D. A cita será no Edificio Cersia, en
Santiago, a partir das 17.50 horas.
O obxectivo do encontro é
achegar á sociedade galega o traballo que está a desenvolver AXIGA
para “converterse no referente asociativo e nexo de unión entre
todos os profesionais da innovación”.
Contarase, explican dende
o colectivo, “coa participación de representantes da Axencia
Galega de Innovación e do Concello de Santiago e haberá dous casos
de éxito de asociados á AXIGA que realizan o seu labor
no sector das novas tecnoloxías da información e no
eido do emprendemento” (as devanditas
experiencias en innovación de Ednon e Qualinnova).
A axenda do evento é a
seguinte:
17:50 h - Rexistro de asistentes.
18:00 h - Apertura da xornada.
Representante da GAIN (Axencia Galega
de Innovación).
Francisco Javier Noya Iglesias,
Concelleiro delegado de Relacións Institucionais, Participación
Cidadá,
Centros Socioculturais e Festas do
Concello de Santiago de Compostela
Ángel Pereira Rodríguez, Presidente
de AXIGA.
18:05 h - Presentación de AXIGA.
Ángel Pereira Rodríguez, Presidente
de AXIGA.
Representantes da Xunta Directiva de
AXIGA.
18:20 h - A Innovación a análise.
Víctor Ramón Piñeiro, Representante
da Xunta Directiva de AXIGA.
18:40 h - Caso de éxito I:
Emprendemento -Qualinnova-.
María Montero Fernández, Innovation
Manager en Qualinnova Consulting S.L.
Noela Burés Grandio, Directora
Financeira e de Estratexia en Qualinnova Consulting S.L.
19:05 h - Caso de éxito II: Empresa
TIC -EDNON-.
Iria Coello Alonso, Xestora de
Innovación en EDNON.
19:30 h - Quenda de intervencións.
19:35 h - Clausura.
Representantes da Xunta Directiva de
AXIGA.
19:40 h - Networking. “Petiscos para
a Innovación”.