A Cámara de Santiago e o INCIBE poñen á nosa disposición recursos para unha actividade segura nas redes

A Cámara de Comercio de Santiago prosegue co seu incansábel labor de formación e adestramento tecnolóxico ao servizo das persoas autónomas e emprendedoras, pemes e profesionais. Este venres, sen ir máis lonxe, vai organizar unha xornada telemática para mostrar o importante labor do INCIBE e a relevancia dos seus servizos para mellorar o traballo que desenvolvemos a través das redes.
A Cámara destaca que o Instituto Nacional de Seguridade salienta polo seu traballo con empresas, cidadáns e menores; así como por dispoñer de ferramentas de balde para xerar confianza dixital e aumentar a ciberseguridade dos distintos destinatarios.
A xornada do 26 de febreiro dará comezo ás 10.00 horas e contará coa presenza de Luis Hidalgo, técnico do INCIBE, quen falará sobre os proxectos e áreas principais do instituto, poñendo o foco no seu traballo de sensibilización e formación así como nas ferramentas gratuítas que pon a disposición da cidadanía e do tecido produtivo para combater as amezas online e xerar un ambiente de comunicación, información e traballo o máis seguro e confiábel posíbel.
A través desta sesión, sinala a Cámara, “coñeceremos mecanismos para a prevención e reacción a incidentes de seguridade da información, como promoven o avance da cultura da seguridade da información a través da concienciación, a sensibilización e a formación”.