A Canon PowerShot D10 soportará golpes, auga e frío

Canon renovou a súa gama de cámaras fotográficas dixitais PowerShot, e entre as novas cámaras destaca a Canon D10, que co seu sensor de 12,1 Mpíxeles e un zoom óptico de 3x permite capturar os mellores momentos na praia, na neve ou noutros contornos agresivos, pois é resistente ao choques, pode somerxerse ata 10 metros de profundidade e soporta temperaturas de ata 10 graos baixo cero.
A cámara non só toma imaxes de alta resolución, senón que tamén grava vídeo en calidade VGA e estará dispoñible dende primeiros de maio por 329,99 dólares (259,91 euros) e aínda que a súa carcasa orixinal sexa nunha cor azul que lembra a un iMac orixinal, poderá intercambiarse por outras (podéndose elixir entre varios deseños: laranxa, camuflaxe ou negro).