A Casa Azul de Pontevedra brinda sete cursos tecnolóxicos para a veciñanza en risco
martes, 25 de maio do 2021
- O concelleiro Marcos Rey presentou os obradoiros tecnolóxicos para a cidadanía
A
Aula
de Informática da Casa Azul de Pontevedra (rúa Sor Lucía, 2, 1º
andar) desenvolverá entre os meses de xuño e agosto sete cursos
tecnolóxicos destinados á veciñanza empadroada no concello
para os que terán preferencia os usuarios dos servizos da
Concellería de Benestar Social e as persoas desempregadas. Entre as
actividades formativas, que darán comezo o 7 de xuño, inclúense
obradoiros de Windows 10, LibreOffice (Writer, Calc e
Impress), Internet dende 0 e Xuventude-OMIX
(Oficina Municipal de Información Xuvenil).
Na
axenda TIC da Casa Azul tamén se contempla unha xornada de aula
aberta para uso libre dos equipos informáticos (os venres, de 9.00 a
11.00 horas de de 11.30 e 13.30 horas) e un horario de asistencia e
apoio para a realización de trámites electrónicos: luns, martes,
mércores e xoves, de 8.30 a 9.15 horas e de 13.30 a 14.15 horas.
Tal
e como explica o concelleiro socialista Marcos Rey, “as inscricións
para as actividades formativas, que impartirá Jesús Lorenzo Ron,
monitor de Informática da Área de Benestar Social do Concello,
poderán realizarse a través das direccións de correo electrónico
jlorenzo@pontevedra.eu e aulaud@gmail.com ou ben directamente na Aula
de Informática, de luns a venres entre as 9.00 e as 13.30 horas”.
Segundo
engade, impartirase a maiores un curso centrado en Administración
Electrónica, que está especialmente destinado a veciños con
diversidade sensorial.