A Comisión Europea investiga a Apple por prácticas anticompetitivas
martes, 16 de xuño do 2020
- Margrethe Vestager é a comisaria europea de Competencia que anunciou a apertura das investigacións
O ano
pasado Spotify
emprendeu unha ofensiva contra Apple por considerar que as súas comisións na
App Store vulneraban as normas da competencia, xa que esas condicións non
se aplicaban a Apple Music, dándolle ao servizo musical de Apple unha clara
vantaxe comercial. A Comisión Europea atendeu estas reclamacións, xunto a
outras recibidas, e finalmente hoxe confirma que abriu unha
investigación sobre as normas da App Store con respecto á música en
streaming e outras sobre os libros electrónicos e os audiolibros (sector sobre
o que tamén recibiron unha reclamación dun editor, e no que Apple Books terÃa
un comportamento análogo ao de Apple Music con Spotify).
A Comisión Europea analizará principalmente dous factores da App Store: a obrigación
de que as compras e subscricións dentro das aplicacións teñan que realizarse a
través de Apple (que cobra un 30% de comisión); e as limitacións que Apple
impón ao xeito de promocionar formas de adquisición alternativas.
Pero as normas da App Store non é o único que a Comisión Europea pon en dúbida,
senón que tamén
abriron unha investigación sobre Apple Pay, o sistema de pagamento móbil de
Apple, que é o único método para empregar o NFC para realizar pagamentos sen
contacto nos dispositivos con iOS, impedindo os pagamentos móbiles con outras
solucións (como as aplicacións das entidades bancarias), o que poderÃa ser un
atentado á competencia.