A Confederación de Empresarios e a Deputación de Lugo axudan ás empresas na súa transformación dixital
venres, 29 de novembro do 2019
A
Confederación
de Empresarios de Lugo (CEL) organiza esta semana, co apoio da
Deputación, dous workshops de traballo para fomentar a
mellora da competividade empresarial entre as empresas da provincia:
dous obradoiros sobre as potencialidades das novas tecnoloxías para
seren máis rendíbeis, eficientes e mellor xestionadas.
Baixo
o título Competitividade empresarial: desenvolvemento de novos
modelos de negocio, os talleres abordan cuestións como as
estratexias aplicadas, o control de xestión, a dixitalización 4.0,
os sistemas de retención do talento e outras ferramentas de mellora,
ademais de botar luz sobre as axudas públicas existentes neste
ámbito ou sobre casos prácticos de interese que sirvan de modelos.
O primeiro dos obradoiros celebrouse onte en Viveiro e o segundo será
hoxe en Lugo.
Estas
actividades formativas están dirixidas preferentemente a empresas e
emprendedores e celebraranse en horario de 9:00 a 14:00 horas. Poderá
participar calquera tipo de público interesado na materia.
O
primeiro dos dous obradoiros contou coa presenza onte da deputada de
Muller e Igualdade, María Loureiro, que salientou na
inauguración deste taller de traballo que “é unha realidade que
os mercados están cambiando de continuo e fannos a todos ter que
tomar decisións e acoller novas ideas co fin último de diferenciar
o noso negocio do resto”. A deputada tamén puxo o foco en que
iniciativas como estes workshops da CEL “axudan a aumentar a
competitividade do comercio de proximidade, manter unha relación
máis directa coa clientela e cos provedores, e adaptarse aos novos
mercados”, explicou. “Dende a Deputación de Lugo continuaremos
apoiando actividades coma esta porque cremos que axudan a dinamizar
os negocios locais”.
Este
venres o mesmo workshop impartirase no concello de Lugo co
obxectivo de “formar nestas habilidades ao maior número de persoas
da provincia”.
Co
mesmo obxectivo de apoiar a mellora da competitividade das empresas
da provincia, a CEL organizará máis actividades formativas
específicas os días vindeiros: novos obradoiros de
internacionalización e comercio exterior que se convocarán no mes
de decembro.