A Deputación da Coruña pon o foco nas redes para explicar o que é a UE entre a rapazada
venres, 13 de maio do 2022
Europe
Direct A Coruña estrea na Semana de Europa a
campaña audiovisual Eu sei da UE, unha innovadora
iniciativa de difusión da Unión Europea que pon
o foco na rapazada dos centros escolares da provincia e que busca
promover o coñecemento das institucións programas e símbolos da
Unión entre a poboación máis nova (e adulta) de xeito “informal
e ameno”. A campaña difúndese nas redes sociais de Europe Direct
A Coruña. Arrincou o 9 de maio e estenderase até finais de mes.
Consta
de oito vídeos sobre a bandeira e o himno da UE, as súas
institucións, o lema, o mapa europeo e iniciativas como o Erasmus ou
o Pacto Verde Europeo, entre outras cuestións. Os vídeos están
subtitulados tanto en galego como en inglés. Nela participan dous
CEIP do Concello de Oroso, o Camiño Inglés e o Sigüeiro.
Europe
Direct A Coruña é un centro de información oficial da Comisión
Europea que pertence á Deputación da Coruña. A misión do centro,
que iniciou a súa traxectoria no ano 1996, é traballar coa
cidadanía, os medios de comunicación e as entidades locais cos
obxectivos de implicar á poboación en temas europeos, amais de
proporcionar contidos sobre as políticas e as prioridades da UE.