A Deputación de Lugo dá a coñecer o palmarés do Concurso de Fotografía das Reservas da Biosfera
venres, 3 de decembro do 2021
O
Deputación de
Lugo deu a coñecer este venres 3 de decembro o palmarés do Concurso
de Fotografía das Reservas de Terras do Miño e Os Ancares Lucenses,
que nesta sétima edición estaba adicado ós sendeiros e vías e
camiños tradicionais destes territorios protexidos que xestiona a
entidade provincial. As imaxes admitidas e finalmente distinguidas
serán visualizadas nunha exposición virtual, seguindo a mesma liña
da exposición que exhibe as fotografías da convocatoria previa.
Lina
Iglesias Forneiro, pola súa obra Camiño Primitivo, recibirá
o primeiro premio dotado con 800€; Germán Limeres López, coa súa
fotografía Lagoa de Cospeito, será galardoado co segundo
premio, que está dotado con 500€; e Manuel María Balbas Naveira,
que inmortalizou Cores de inverno na senda dos muíños,
acadará o terceiro premio, que conta cun importe de 300€. O fallo
sairá publicado a semana que vén no Boletín Oficial da Provincia
(BOP).
“Coa
temática desta edición pretendíamos poñer en valor, dar a coñecer
e divulgar o patrimonio natural e cultural destas Reservas da
Biosfera que xestiona a Deputación, e que son unha das ferramentas
importantes para o desenvolvemento da provincia”, explicou García
Porto.
A
temática incluía tanto redes de rutas de sendeirismo e itinerarios
como o conxunto de vías e camiños tradicionais, co obxectivo de
amosara riqueza natural, cultural e paisaxística das reservas
Terras do Miño e Os Ancares Lucenses.
Exposición
do VI Concurso Fotográfico
Na actualidade, a páxina
web da Deputación de Lugo inclúe unha exposición virtual coas
trinta instantáneas admitidas no VI Concurso de Fotografía das
Reservas da Biosferas Terras do Miño e Os Ancares Lucenses e Montes
de Cervantes, Navia e Becerreá. Esta edición tivo como fío
condutor as nosas árbores. A exposición completa pode verse na
web de Medio Ambiente da institución provincial.