A FIC acolle a Reunión de Estudantes de Tecnoloxías Técnicas s Superiores en Informática

martes, 18 de outubro do 2022 Redacción

A Facultade de Informática da Universidade da Coruña acolle do 19 ao 23 de outubro a Reunión de Estudantes de Tecnoloxías Técnicas e Superiores en Informática (RITSI), que celebrarán ademais o 30 aniversario da constitución desta asociación.
Este encontro traerá á Coruña a máis de 60 representantes estudantís de diversas universidades de toda España cunha axenda de debate na que se inclúe a percepción da Informática a nivel preuniversitario.
O acto de celebración do 30 aniversario de RITSI terá lugar no salón de actos da Facultade o venres 21 de outubro, ás 19:00 horas, coa presencia do presidente da asociación, Francisco Javier Anillo Carrasco, a vicerreitora de Estudantes, Participación e Empregabilidade da UDC, María José Lombardía, entre outras autoridades.
A Reunión de Estudantes de Tecnoloxías Técnicas e Superiores en Informática representa os intereses, dereitos e deberes do estudantado de Enxeñarías Técnicas e Superiores en Informática. Esta asociación, nacida hai 30 anos, continúa no tempo con este obxectivo. No transcurso do encontro da UDC, ademais da celebración do aniversario e das diversas charlas e debates, celebrarán a asemblea xeral.

PUBLICIDADE