A Mesa promove un apagamento de RTVE en defensa dun audiovisual en galego
mércores, 6 de outubro do 2021
A Mesa pola Normalización LingüÃstica anima
a sociedade galega a apagar as canles de RTVE o vindeiro luns como
protesta polo desprezo que sofre a nosa lingua por parte da televisión pública
española e que, en palabras do presidente da entidade, Marcos Maceira, «acadaron
a súa máxima expresión na emisión
de Master Chef do pasado luns».
A entidade de defensa da lingua propón apagar La1, La2,
Clan, Teledeporte e 24h o dÃa 11 de outubro de 0:00 a 24:00 horas, agás as
emisións en galego en La1 de 14h ás 14:20 e de 15:55 a 16:15 horas como un
xeito de denuncia. «Só emiten en galego 39 minutos dun total de 120 horas, o
que supón o 0,5% dos seus contidos diarios e o 0% dos contidos infantÃs ou
xuvenÃs» lembra Maceira, «e aÃnda se permiten emitir tentativas de parodias co
galego, pagadas co noso diñeiro», ao que engade que «queremos galego na
televisión que pagamos».
Con este apagamento, a Mesa quere destacar tamén o acordo
unánime do Parlamento galego a favor da dobraxe, subtitulado e audiodescrición
en TVE. Respecto a isto e á presenza do galego na nova Lei Xeral de
Comunicación Audiovisual, a Mesa está a desenvolver unha campaña social que se
pode apoiar
asinando na páxina web da Mesa e o presidente da Mesa afirma que xa se
dirixiu á dirección estatal de TVE até en tres ocasións solicitando unha
entrevista coa dirección para lle presentar a reivindicación de máis horas en
galego e presenza dobrada e subtitulada en toda a programación, sen obter
resposta ningunha. «Esta actitude contrasta coa dirección galega e co persoal
de RTVE en Galiza», recoñece Maceira, «cuxo compromiso coa lingua galega está
fóra de toda dúbida».
A Mesa anima a ver series e filmes en galego a través das
diferentes canles e plataformas.