A PlayStation Store estrea Ofertas de Semana Santa

mércores, 21 de marzo do 2018 Marcus Fernández

Cada vez que se aproxima un período festivo é habitual que as tendas dixitais de videoxogos lancen períodos de rebaixas para animar aos usuarios a facerse con xogos cos que cubrir o seu tempo de lecer, e así temos como xa están en marcha as Ofertas de Semana Santa na PlayStation Store, entre as que podemos atopar grandes títulos como FIFA 18, Assassin’s Creed Origins, Call of Duty: WWII, Grand Theft Auto V e moitos máis, entre os que non faltan títulos para PlayStation VR.
Como exemplos destas rebaixas temos para PlayStation 4 xogos como Assassin’s Creed Origins a 41,99 euros, Star Wars Battlefront II a 29,99 euros, NieR Automata a 34,99 euros, The Witcher 3: Wild Hunt a 14,99 euros, South Park: Retaguardia en Peligro por 29,99 euros (o que sorprende por ser un título lanzado o mes pasado), STEEP por 14,99 euros ou Payday 2: Crimewave Edition por 7,99 euros.

PUBLICIDADE