A UVigo celebra online a terceira edición do Foro Emprego
xoves, 25 de marzo do 2021
A
Universidade
de Vigo celebra a terceira edición do
Foro Emprego, que
organiza a Facultade de Ciencias Económicas e Empresariais.
As actividades comezaron hoxe e levaranse a cabo ata o vindeiro
venres. A
iniciativa
consiste en tres intensas xornadas de actividades en liña, nas que
participan 39 empresas e institucións e 577 persoas. Destacan
organizacións de diversos sectores, como por exemplo Abanca,
Adecco, Adolfo Domínguez, a Axencia Estatal da Administración
Tributaria, Bimba y Lola ou Hijos de Rivera.
O
obxectivo principal destas xornadas é “facilitar
o acceso ás alumnas e alumnos da Universidade de Vigo ao mercado
laboral”. De feito, a UVigo
conta con dúas das titulacións máis demandadas polas empresas:
Administración e Dirección de Empresas e Economía, ademais do
dobre grao ADE-Dereito.
As
empresas impartirán conferencias que incluirán dende presentacións
de marca ata diferentes sesións de orientación laboral e de procura
de oportunidades de emprego e emprendemento. Desta forma, a UVigo
“busca atopar unha dobre finalidade: achegar as empresas e
despachos profesionais ao alumnado
e ofrecer ás firmas que participan a posibilidade de que se dean a
coñecer e de captar talento”. Ademais, a empresas participantes
pretenden chegar a todo tipo de graduados, dende os enxeñeiros/as
ata os estudantes que xa terminaron carreiras como relacións
públicas ou comercio.
Polo
momento, unicamente levouse a cabo de feito presencial a intervención
do decano na inauguración, que estivo acompañado polo reitor,
Manuel Reigosa, e o alcalde de Vigo, Abel Caballero. O
resto de actividades mudaron de formato debido á pandemia, pois é
imposible realizalas de forma presencial. Todas elas teñen unha
duración de arredor
de 20 minutos e retransmítense en directo a través da propia web do
Foro Emprego.
Neste intre, xa se levaron a cabo charlas como a da empresa de
avogados On Tax & Legal ou a da farmacéutica
Lonza Biologics.
Doutra
banda, a Universidade de Vigo presenta no
Foro Emprego as
bolsas de investigación do goberno de Xapón e a oferta de mestrados
da Facultade de Ciencias Económicas e Empresariais.