A Xunta publica os datos dos anteriores comicios autonómicos en Abert@s

Continuando co compromiso da Administración galega coa reutilización dos datos públicos, a Xunta vén de publicar os resultados das eleccións ao Parlamento de Galicia das convocatorias de 2009 e 2005 no portal Abert@s, de xeito que empresas e cidadáns poden acceder a tal información en formatos abertos, o que facilita a creación de aplicacións e servizos baseados neses contidos.
A información inclúe os datos do censo de electores, os indicadores de voto, abstención, os votos acadados por cada formación política que presentou candidatura, detallados a nivel de mesa electoral (distrito, sección e mesa).
En Abert@s tamén publicarán os resultados da vindeira convocatoria electoral, continuando a o avance no Open Data da Xunta, o que principalmente poderán aproveitar empresas do sector infomediario para a súa reutilización, o que podería contribuír na xeración de valor económico.