A Xunta retoma a figura do Consello Asesor de Telecomunicacións e Audiovisual de Galicia
luns, 16 de novembro do 2009
- O presidente da Xunta, Alberto Núñez Feijóo, presidiu o pleno do Consello Asesor de Telecomunicacións e Audiovisual de Galicia
Esta mañá en Compostela
tivo lugar o pleno
do Concello Asesor de Telecomunicacións e Audiovisual de Galicia, presidido
por Alberto Núñez Feijoo, quen asegurou que «debemos
pensar nas telecomunicacións como posible catalizador para reconverter o
sistema produtivo galego, saÃr vigorosos da crise e iniciar a segunda
modernización de Galicia» e avanzou as reformas normativas que a Xunta porá
en marcha para fortalecer o sector das telecomunicacións e do audiovisual en
Galicia.
O titular da Xunta
remarcou a «urxencia de robustecer as
telecomunicacións en Galicia», e salientou que se trata dun instrumento «para acadar novas oportunidades a nivel
nacional e internacional», pero tamén para lograr a cohesión interna «imprescindible para construÃr a Galicia global».
AsÃ, Núñez Feijóo destacou o triplo beneficio que ofrece a tecnoloxÃa: ao
consumidor, xa que fai os servizos máis eficientes; o fomento da solidariedade,
ao garantir o acceso universal á información e ao coñecemento; e a mellora da
competitividade das empresas.
Feijoo presentou os obxectivos do seu Goberno en materia de radio e
televisión e adiantou que Galicia presentará a súa candidatura para ser sede da
Axencia Estatal de Radiocomunicación. «Galicia
xa é un referente tecnolóxico en España, en Europa e en todo o mundo, a través
das empresas fabricantes de equipos de TDT. Pero desde o Goberno galego
queremos que Galicia figure no mapamundi das telecomunicacións», comentou o
presidente da Xunta, ao que engadiu que estamos ante un «reto único na historia», a renovación desta tecnoloxÃa que suporá
o apagamento analóxico do vindeiro 3 de abril. Adiantou que, no caso da
Televisión de Galicia, o Goberno estuda «solucións
para que se poida estender este servizo ás rexións fronteirizas galego falantes
en Asturias, na comarca do Bierzo e tamén na Alta Sanabria».
En canto ás reformas
normativas previstas, a posta en marcha dunha Lei de publicidade institucional
para regular «e facer transparentes»
os investimentos publicitarios das administracións públicas; dunha Lei de
comunicación audiovisual, incorporando a reforma das competencias autonómicas
afectadas pola Directiva europea de servizos audiovisuais e pola futura Lei
xeral do audiovisual do Estado; e a reforma da Lei de creación da CompañÃa de
Radio Televisión de Galicia, «para dar carácter normativo ao protagonismo do
Parlamento de Galicia no nomeamento no director xeral».