A demo de Resident Evil 5 estrearase o 26 de xaneiro en Xbox LIVE
mércores, 14 de xaneiro do 2009
A primeiros de
decembro saíu no Xapón a versión de proba para Xbox 360 do xogo Resident
Evil 5, o que levou a moitos usuarios de todo o mundo a utilizar trucos para poder botar
un ollo a este agardadísimo xogo que chegará ás tendas o 13 de
marzo, e agora confirman que o
vindeiro día 26 a demo estará dispoñible para os usuarios de Xbox 360,
mentres que a súa versión para
PS3 chegará unha semana máis tarde.
A demo do xogo permitirá completar dúas fases distintas do xogo, que pódense
xogar tanto en solitario coma no modo cooperativo (a pantalla
partida nun mesmo equipo ou en liña a través de Xbox LIVE).
Esta nova entrega de Resident Evil é
especialmente revolucionaria por pasar dunha tradicional ambientación escura a enfrontar
infectados a plena luz do día. Os
protagonistas serán Chris Redfield e Sheva Alomar, que cooperarán para loitar
contra unha ameaza bioterrorista en África, con persoas e animais transformados
en criaturas descontroladas con certa semellanza aos zombis.
Cómpre destacar que a demo non é a única iniciativa para promocionar o xogo,
senón que tamén iniciaron unha campaña viral consistente en pintadas de xiz
feitas no chan que fan referencia ao virus que se desata en África no xogo, e
que pódense
ver incluso na cidade de Barcelona segundo manifestou Koch Media (Proein)
a distintos medios.
- Unha das pintadas que pódense ver en Barcelona