A iniciativa Twitter en Galego, Premio Rosalía de Castro da Deputación da Coruña
martes, 15 de xuño do 2021
Xa
temos
finalmente gañadoras e gañadores nos Premios Rosalía de Castro da
Deputación da Coruña, edición XII. Trátase do debuxante
Xaquín Marín (categoría persoas), a Agrupación Astronómica Ío
(entidades) e a iniciativa Twitter en Galego (modalidade de
iniciativas de xente nova), adicada esta última a reivindicar a
presenza activa da nosa lingua na coñecida rede social.
O
xurado composto pola técnica de normalización lingüística do
concello da Coruña, Julia Rigueiro, o profesor da Universidade da
Coruña, Carlos Caetano Viscaíno e, en representación dos proxectos
gañadores da edición anterior, Ana Belén Costoya de Nós TV e
Inmaculada Seage polo Club de Debate coa deputada de Normalización
Lingüística, María Muíño, como presidenta e a técnica da
Deputación, Dores Sánchez Alegre como secretaria decidiu conceder
as tres modalidades do premio Rosalía de Castro por unanimidade,
destacando “a calidade e o traballo desenvolvido polas propostas
gañadoras”.
O
debuxante Xaquín Marín é o gañador na categoría de persoas que
destacan na promoción da lingua galega por, segundo o xurado, "o
compromiso continuado no tempo, polo alcance social do seu traballo e
por facer humor gráfico nun contexto histórico de especial
dificultade en plena ditadura franquista e en medios de comunicación
onde a presenza do galego era residual”.
- O xurado da nova edición do certame impulsado pola Depuación da Coruña
Na
categoría de entidade que destaca na promoción da lingua galega a
gañadora é a Agrupación Astronomía Ío, “por impulsar a lingua
galega nun ámbito tan especializado como a astronomía e sen bagaxe
no noso idioma que ademais conseguen trasladar dun xeito accesible e
atractivo para o público xeral”.
Finalmente,
na categoría de proxecto concreto de dinamización lingüística que
realice un traballo específico cos treitos da poboación de menor
idade, nenez e mocidade, e que “atenda espazos emerxentes de uso da
lingua”, a gañadora é a iniciativa Twitter en Galego, promovida
por Carlos García Vieito da que se sinala que coordina “o proceso
de tradución para configurar esta plataforma social na nosa lingua e
fornece un referente nas redes sociais, para o público xeral e para
a mocidade en particular, facendo que cada día máis chíos sexan en
galego”. Valórase tamén que Twitter en Galego cree “terminoloxía
que permite colocar a lingua galega na nova realidade dixital” e
destácase o “grande impacto social con máis de 15.000 persoas
usuarias coa conta configurada en galego”.
O
premio está dotado con 2.100 euros por categoría.