A webserie Xan, galardoada na edición 19 dos Mestre Mateo
luns, 12 de abril do 2021
Como
cada ano, os Premios
Mestre Mateo (edición 19), celebrados este sábado no Teatro
Colón da Coruña, tamén tiveron vertente tecnolóxica. Esta veu
dada polo Premio á Mellor Serie Web que entrega, coma o resto dos
galardóns, a Academia Galega do Audiovisual, e que este ano foi dar
á Xan,
de LucÃa Estévez e Miguel Canalejo.
Xan
é a historia dun peculiar millenial
que non emite ningunha palabra. A produción online
colleitou
importantes éxitos ao seu paso por festivais como o Carballo
Interplay. Trátase dunha webserie
cómica cun certo ton surrealista co-dirixida por LucÃa Estévez e
Miguel Canalejo, quen tamén a protagoniza. O seu argumento xira
arredor dun personaxe que non fala, pero é quen de analizar todo o
que acontece ao seu redor. Amais, fai unha vida bastante normal, ten
colegas cos que pasa as tardiñas, come xeados e le banda deseñada,
pero sempre hai algo que fai perigar o equilibrio natural da súa
existencia.
Outra
das nomeadas este ano é foi a que está considerada como
primeira serie interactiva en galego, Amnesia
3.0, escrita e
dirixida por Irene Pin. A serie, que recibiu o premio á mellor
produción de proxecto do festival de contidos dixitais Carballo
Interplay, constitúe un fito dentro da ficción dixital en Galicia,
pois ofrécese a posibilidade de que o espectador se achegue á
historia por un ou outro itinerario que el mesmo poderá escoller.
Deste xeito Amnesia
3.0 convértese na
primeira aposta interactiva galega que nace dunha teima por romper os
lÃmites impostos.