ARCHOS anuncia 3 novos tablets con Android 4.1 e 2 Gb de RAM
venres, 15 de febreiro do 2013
Esta
semana ARCHOS anunciou unha nova gama de tablets Platium que resulta moi
prometedora, pois combina un elegante deseño de aluminio con pantallas IPS de
alta definición, procesadores de 4 núcleos a 1,2 GHz (con gráfica de 8 núcleos)
e Android 4.1, que para adaptarse ás necesidades dos distintos consumidores
chegarán ao mercado en 3 tamaños: 8, 9,7 e 11,6 polgadas.
Os tablets veñen con 2 Gb de RAM, mini-HDMI, cámaras frontal e traseira e
lector de tarxetas micro SD. O modelo ARCHOS 80 Platinum é o máis modesto, con
pantalla IPS de 8 polgadas cunha resolución de 1.024 x 768, que poderiamos
comparar co iPad mini, pero que chegará ás tendas este mesmo mes a un prezo de
só 199 euros. O ARCHOS 97 Platnium HD, coa súa pantalla IPS de 9,7 polgadas
cunha resolución de 2.048 x 1.536 buscarÃa competir co iPad con pantalla Retina,
saÃndo tamén este mesmo mes cun prezo de só 269 euros (un 46% menos que o
iPad). E o ARCHOS 116 Platinum, coa súa pantalla IPS de 11,6 polgadas cunha resolución
de 1.920x1.080 pÃxeles parece querer satisfacer aos que queren gozar de
contidos Full HD, e porase á venda en abril por 349 euros.