Airis prepara un nettop con Telebision
luns, 2 de novembro do 2009
En
setembro demos conta dunha versión da aplicación XBMC chamada Telebision,
que facilita a transformación dun PC nun centro de reprodución multimedia
cómodo e completo, e para pór aínda máis doada a súa utilización, Airis está a
preparar unha versión
do seu equipo Airis Nyos 75 que inclúe a aplicación preinstalada, de
xeito que sería coma ter un set-top-box de salón destinado á multimedia.
O equipo funciona cun procesador Intel Atom, gráfica nVIDIA Ion, sistema
operativo Ubuntu, saída DVI e HDMI e 6 portos USB 2.0, aos que posiblemente
acompañarían 3 Gb de RAM, 500 GB de disco duro e algunha prestación adicional
(¿Wi-Fi? ¿Sintonizador de TDT?) e tería un prezo duns 250-300 euros.
Á espera da presentación do produto comercial, podemos ver cómo funciona un
equipo deste tipo con Ethernet, Wi-Fi e un mando a distancia preconfigurado
para Telebisión no
seguinte vídeo: