Appentra saca a versión 0.16 do Parallelware Analyzer
mércores, 4 de novembro do 2020
Appentra
Solutions, a spin-off tecnolóxica participada pola UDC e
promovida por investigadores vencellados ao Centro de Investigación
TIC (CITIC), informou este mes de novembro dun novo e importante
impulso para o seu produto Parallelware Analyzer, unha serie de
ferramentas de liña de comandos destinadas a axudar aos
desenvolvedores de software a “construír software paralelo de
mellor calidade en menos tempo”.
O
produto en cuestión estreou estes días a versión Parallelware
Analyzer 0.16, que, entre outras cousas, inclúe unha ferramenta
PWloops redeseñada (co fin de que coincida mellor co
discorrer do traballo de paralelaxe) e novas comprobacións para
mellorar a detección de fluxos de datos e problemas de movemento de
información da GPU.
A
nova versión potencia en definitiva o obxectivo primeiro e básico
de Parallelware Analyzer: “Ofrecer as ferramentas axeitadas para as
etapas clave do fluxo de traballo de desenvolvemento paralelo,
axudando aos desenvolvedores con análises de código que doutro
xeito serían susceptíbeis de erros, estragarían tempo e
completaríanse ademais de maneira manual”.