Apple estrea tarxetas nano-SIM programables co iPad Air 2
venres, 17 de outubro do 2014
A keynote de Apple realizada onte agochaba unha
pequena sorpresa para os usuarios estadounidenses e británicos, xa que a versión con banda larga móbil
do iPad Air 2 estreaba unha nova prestación que dará moito que falar: a
tablet vén cunha tarxeta SIM de Apple pre-instalada. Isto quere dicir que cando
alguén merque un destes dispositivos non terá que introducir unha tarxeta nano-SIM
adquirida por separado, senón que terá a posibilidade de elixir entre varios
plans de datos de operadores móbiles (AT&T, Sprint, T-Mobile ou EE) sen
compromisos de permanencia a longo prazo, e incluso coa opción de elixir plans
de datos de operadores locais cando o usuario viaxe a outro paÃs, podendo
configurarse tal prestación dende o propio menú do iPad Air 2.
Xa hai tempo que se rumorea que Apple pretende lanzar smartphones sen tarxeta
SIM, pero vese que finalmente optan por unha solución máis estándar, de xeito
que, sen pecharse ao uso de tarxetas SIM do usuario, permÃtese desenvolver unha
SIM propia configurable para distintos operadores, o que volve darlle unha
posición de forza de cara ás compañÃas de telecomunicacións, como aconteceu
cando iniciou a distribución do iPhone (que chegaba a poucos operadores
inicialmente).
Queda agora por ver se estamos ante unha solución que Apple integrará en todos
os seus dispositivos con conectividade móbil o ano que vén ou estamos
simplemente ante unha experiencia piloto previa á eliminación definitiva das
tarxetas SIM dos seus dispositivos.