Assassin’s Creed chega ás tendas precedido dunha festa de presentación
mércores, 14 de novembro do 2007
- O Hiro de Heroes xunto a unha carecterización do protagonista de Assassin’s Creed
Hoxe sae á venda para PS3 e Xbox 360 o agardado
xogo Assassin’s Creed de
Ubisoft, e para celebrar este lanzamento os seus responsables
organizaron unha festa de presentación nunha discoteca de Los Ángeles á que
asistiron famosos coma John Hensley (da serie Quita e Pon), Lauren Conrad, Zachary Levi, Shawn Pyfrom (de Mujeres Desesperadas), Masi Oka e
Kristen Bell (os dous últimos da serie Heroes),
aínda que a presenza de Bell ía máis aló de ser unha celebridade no evento, xa
que participa no xogo (interpretando un misterioso papel moi importante dentro
do seu argumento).
O novo xogo chega agora para as consolas de alta definición, e a súa versión
para PC estará dispoñible en 2008.
- Kristen Bell probando o novo xogo
Assassin’s Creed non só destaca pola
súa presentación espectacular, senón que os seus gráficos son realmente
abraiantes e supón todo un paso adiante neste tipo de xogos de acción, que
permite ó seu protagonista saltar, correr, trepar, agocharse e loitar para
actuar coma asasino no tempo das Cruzadas. Os creadores de Prince of Persia foron os encargados de dar vida a este novo mundo
virtual que, como pasa en xogos coma GTA, non ten un desenvolvemento lineal, de
xeito que os xogadores poderán gozar de grande liberdade durante as súas
aventuras neste título que eleva o listón dos xogos para as consolas de alta
definición.
Podemos ver unha interesante análise do xogo no seguinte vídeo (en inglés):