Cataluña aposta pola tecnoloxía de Microsoft para renovar a súa Administración
mércores, 4 de maio do 2011
O Departamento da Presidencia
da Generalitat de Catalunya vén de renovar o software base dos seus equipos
informáticos, apostando de novo pola tecnoloxía de Microsoft, ao renovar o
acordo que ambas entidades mantiñan.
Deste xeito, o organismo público
actualizou os seus equipos a Windows 7
e Office 2010, co obxectivo de,
segundo informaron, “acadar unha meirande
eficiencia e produtividade na organización”; “ademais de poder disfrutar dunha clara vantaxe competitiva económica na
renovación”, engadiron.
Esta implantación TIC
contempla a migración de máis de 1.600 estacións, que se irán cambiando a un
ritmo de 40 estacións por semana, incluíndo nalgúns casos a renovación de CPUs.
Dende o Departamento da
Presidencia aseguran ter apostado por Microsoft por ofrecer unhas prestacións
en funcionalidades e mantemento “superiores
ao resto da oferta TIC do mercado”, e tamén por tratarse dunha tecnoloxía
que se integra “perfectamente” coas súas
ferramentas de sistemas e aplicacións.
Pola súa banda, responsables
de Microsoft aseguran que o proceso de migración por parte desta entidade pública
(neste momento migraron 550 PCs dos 1.600 contemplados) “desenvolveuse de maneira coordinada e
estruturada, acadando resultados sobresaíntes”.