Cisco presenta novos routers Smart Wi-Fi

luns, 16 de abril do 2012 Marcus Fernández

Unha nova gama de produtos de Cisco estrea o concepto de Smart Wi-Fi, pois a nova serie de routers Linksys EA achega capacidades avanzadas brazas ao uso de aplicacións que ofrecerán funcionalidades adicionais para a rede doméstica, semellantes ás que incorporan os servizos de almacenamento en rede avanzados (pensando en futuras aplicacións domóticas e outras funcionalidades que irán xurdindo en colaboración con outros fabricantes).
Os novos routers Linksys EA4500, EA3500 e EA2700, que xa están á venda nos EE.UU. por prezos que van dos 99 aos 199 dólares e ofrecen conectividade sen fíos de calidade, acceso a Cisco Connect Cloud (para administrar múltiples redes domésticas dun xeito cómodo e sinxelo, permitindo dar acceso á Internet a convidados, axustar controis de seguridade infantil ou engaidr dispositivos á rede Wi-Fi dende calquera lugar).
O Linksys EA4500 é o buque insignia desta nova serie de routers, permitindo operar en Wi-Fi N de dobre banda (2,4 e 5 GHz) ata 900 Mbps, conta con 4 portos Gigabit Ethernet, un porto USB para conectar un almacenamento externo ou unha impresora para a súa xestión en rede, un servidor multimedia DLNA, controis parentais e soporte de IPv6; mentres que o Linksys EA3500 reduce a súa velocidade máxima a 750 Mbps. O router máis cativo desta familia sería o Linksys EA2700, que achegaría unha velocidade máxima de 600 Mbps e prescindiría de porto USB, polo que estaría orientado para quen simplemente quixese un router robusto (sen quere gozar de servizos de arquivos avanzados ou dun xestor de impresión en rede).

JPEG - 33.3 KB
A nova familia de routers está composta por 3 dispositivos de prezos entre 99 e 199 dólares

PUBLICIDADE