Cyberpunk 2077 recibe o parche 1.2
luns, 29 de marzo do 2021
O mes pasado CD Projekt Red anunciou que o parche 1.2 de Cyberpunk
2077 que prometÃa solucionar a meirande parte dos grandes erros do xogo non
chegarÃa a tempo, adiándose o seu lanzamento até finais de marzo, e poderiamos
dicir que cumpriron o prazo, cando menos en ordenadores persoais e consolas,
plataformas para as que o parche xa é unha realidade,
mentres a Stadia chegará ao longo da semana.
A
listaxe de cambios que incorpora o xogo é realmente inmensa, deixando claro que o tÃtulo estaba moi lonxe
de estar rematado cando chegou ás tendas, e queda agora por comprobar se realmente
agora Cyberpunk 2077 está máis preto de poder considerarse un produto rematado,
para pasar a recibir pequenas correccións periódicas e novos contidos, asà como
as máis que agardadas versións do xogo para Xbox Series X|S e PlayStation 5, xa
que actualmente corre en consolas de nova xeración valéndose da
retrocompatibilidade, algo moi pouco digno para unha produción deste nivel.
Outro detalle importante deste parche é que, de comprobarse que realmente
corrixe os principais fallos do xogo, este poida volver publicarse na tenda dixital
de PlayStation, da que expulsaron o tÃtulo despois das numerosas reclamacións
recibidas, considerándose que a versión para PlayStation 4 era pouco menos que
inxogable, ofrecendo unha experiencia moi deficiente.