DAZN anuncia os seus novos plans de subscrición
xoves, 7 de xullo do 2022
Continúan
a ser moitas as incógnitas sobre como se poderá ver o fútbol por televisión nas
vindeiras tempadas, pero a grande dúbida que tiñan moitos, o prezo que terá
DAZN, por fin se desvela, con grande alivio para os usuarios que prefiren
manter as condicións actuais do servizo.
A partir do 1
de agosto DAZN ofrecerá 3 plans diferentes: DAZN Esencial (con motor,
deportes de contacto, Eurosport, varias competicións de fútbol internacionais e
outros deportes) por 12,99 euros/mes ou 129,99 euros/ano, DAZN LaLiga (con 5 partidos
de fútbol por xornada durante 35 xornadas) por 18,99 euros/mes e DAZN Total
(cos dous paquetes anteriores) por 24,99 euros/mes contratando meses soltos ou
19,99 euros/mes contratando o ano enteiro.
En calquera caso os espectadores seguirán a ter un serio problema con DAZN
LaLiga: descoñecer que encontros deportivos incluirá cada semana. Movistar e
DAZN repartiranse os partidos cada semana, alternando a prioridade de selección
semanalmente, de xeito que o máis probable é que os seareiros do fútbol só
poidan ver a metade dos partidos do seu equipo (especialmente se é o Real
Madrid ou o FC Barcelona).
Noutros paÃses europeos o prezo de DAZN é actualmente de 29,99 euros, polo que
podemos entender que están nun rango de prezo semellante ao español, xa que
neses mercados non hai tantas limitacións nos dereitos futbolÃsticos.
Está por ver se este tipo de plataforma audiovisual independente de operadores
de telecomunicacións consegue imporse, facendo máis accesible a contratación de
contidos deportivos.