Days Gone e un novo Oddworld destacan en PS Plus

A partir do día 6 de abril os subscritores de PlayStation Plus poderán recibir 4 xogos entre os que destaca especialmente Oddworld: Soulstorm, unha nova aventura de Abe tras os eventos de Oddworld: New N’ Tasty (xogo de 2014) que chega na súa versión para PlayStation 5.
Xa para PlayStation 4 temos un xogo de supervivencia moi importante, Days Gone, no que hai que enfrontarse a hordas de Freakers e elaborar estratexias de supervivencia nun contorno con ciclos de día e noite que fan que este título sexa máis que interesantes. Completan a selección mensual Zombie Army 4: Dead War, un shooter dos creadores de Sniper Elite 4, e Jade’s Ascension, xogo procedente de PlayStation Talents.