Disco duro Wi-Fi de 1 Tb de capacidade
venres, 22 de febreiro do 2008
Para atender a demanda de grande almacenamento para pequenas
empresas e fogares, Freecom conta cunha gama de unidades externas moi robustas
que incorporan grande conectividade, como o DataTank
Gateway WLAN que inclúe dentro da súa resistente carcasa de aluminio 2
discos duros SATA de 500 Gb accesibles a través de USB, FireWire, Ethernet e
Wi-Fi, polo que permiten que os ficheiros almacenados nos mesmos estean moi
accesibles.
Este disco duro mide 20 x 9,6 x 12,4 centÃmetros, pesa preto de 3 quilogramos e
pode funcionar en modo RAID 0 (de xeito que funciona coma un único disco de 1
Tb de capacidade) ou RAID 1 (facendo espello do disco principal para garantir a
integridade dos datos a costa de reducir o almacenamento á metade). A
información tamén está accesible a través de navegador web e FTP, o que fai
doado chegar ós ficheiros de xeito remoto.
Podemos asegurar que este disco duro é todo un exemplo de integración
tecnolóxica, pois xunta nun único dispositivo un disco duro, servidor de
ficheiros, servidor de páxinas web, servidor para copias de seguridade,
servidor de FTP, router de rede, servidor de impresoras USB, servidor de
ficheiros multimedia, servidor USB (para compartir discos USB) e devasa (firewall). Tamén existe a posibilidade de empregar
o disco duro para descargar ficheiros da rede BitTorrent sen empregar o
ordenador.
O prezo desta unidade é de 579 euros, aÃnda que tamén existe unha versión
de 2 Tb a 1.132 euros.