Dodro organiza este xoves unha charla para axudar á poboación a gozar dun uso seguro de Internet e as redes sociais
martes, 25 de xaneiro do 2022
Ao
abeiro da súa liña de traballo a prol de mellorar a calidade de
vida da veciñanza (a través de diversos programas e servizos de
atención), Servizos Sociais e Benestar do Concello Dodro, organiza
este xoves 27 de xaneiro unha charla directamente encamiñada a
axudar á cidadanía a facer o mellor uso posíbel das novas
ferramentas de comunicación e información. A
actividade Internet e redes sociais: alertas, riscos e perigos
celébrase este xoves ás 19.00 horas.
Foi
presentada polo concelleiro Xoán Bautista Mariño Abuín (BNG), que
encadra a charla nos obxectivos de “ofrecer a toda a poboación
información, divulgación e posíbeis respostas que teñen que ver
coa saúde, seguridade e en definitiva co benestar en xeral que a
xente necesita e demanda.”
Actividades
precedentes
A
primeira intervención desta tempada das organizadas pola día área
municipal foi a presentación de Andaina Pro Saúde Mental, entidade
afincada en Dodro e Ordes e formada por profesionais con longa
experiencia no ámbito da saúde mental na comarca de Santiago, que
desenvolve programas de información, asesoramento, formación pre
laboral e outras actividades de éxito.
Na segunda actividade, a
Andaina deu a coñecer o Programa integral para a mellora na
detección e intervención en risco de suicidio nas comarcas de Ordes
e Ulla-Sar entre outras actividades que desenvolve.
A
cita deste xoves abéirase aos obxectivos do Concello de traballar na
seguridade cidadá para persoas máis vulnerábeis, de feito cómpre
lembrar que o departamento de Servizos Sociais e Benestar de Dodro
foi dos primeiros en alertar no verán ante os posíbeis fraudes que
se dan en domicilios, por teléfono ou a través de Internet. Nesta
liña de formar e informar á poboación, o xoves 27 de xaneiro ás
19:00 horas celébrase a charla Internet e RR SS: alertas, riscos
e perigos. Contarase con
persoal da Garda Civil formado neste tipo de temas. A charla está
dirixida a persoas de calquera franxa de idade.
Tamén
están previstas máis actividades de semellante índole, achegadas
por persoal especializado, en prevención de accidentes en vías
públicas entre outras. Todas estas charlas desenvólvense no local
municipal do Centro de Día.