Dragon Ball Legends chega a iOS en Europa

venres, 1 de xuño do 2018 Marcus Fernández

A semana pasada lanzábase en Europa o xogo Dragon Ball Legends para Android, anunciándose que os usuarios de iOS terían que agardar ao 14 de xuño para poder gozar deste xogo de As Bolas Máxicas no que podemos participar en intensos combates con simples toque co dedo para realizar sinxelos movementos e elixindo os naipes que queren empregarse para encadear ataques. Pero finalmente os usuarios de iPhone e iPad non terán que esperar, e finalmente o xogo está xa dispoñible para a súa descarga, permitindo así gozar tanto do seu modo historia como de combates en liña con usuarios espallados polo mundo.
Estamos ante un xogo free-to-play cun grande cadro de loitadores entre os que destaca o superguerreiro Shallot, creado por Akira Toriyama, e que por fin poden instalar nos seus dispositivos os posuidores dun iPhone SE, 6S, 7, 8 ou X ou dun iPad Mini 4, Air 2, 2017 ou Pro, deixando fóra a dispositivos anteriores.

PUBLICIDADE