EA anuncia 3 novos xogos de Star Wars

martes, 25 de xaneiro do 2022 Marcus Fernández

Electronic Arts e Lucasfilm Games continúan a unir esforzos para crear novos videoxogos inspirados universo cinematográfico da Guerra das Galaxias, e hoxe anuncian que están a traballar en tres novos xogos que recaen en Respawn Entertainment, responsables de títulos como Apex Legends e Titanfall.
Un dos xogos que estarían en preparación sería a continuación da saga Star Wars Jedi (iniciada por Star Wars Jedi: Fallen Order, que curiosamente estes días está a ofrecer Amazon aos seus subscritores de Prime sen custo adicional), ao que unirase un xogo de acción en primeira persoa totalmente novo e un xogo de estratexia que desenvolverá Bit Reactor (formado por moitos dos profesionais detrás da franquía XCOM).
Aínda que os tres proxectos xa botaron a andar, Respawn Entertainment aínda está a buscar talento para os equipos que os desenvolven, o que dá a entender que estamos bastante lonxe do lanzamento destes títulos.

PUBLICIDADE