Edublogs supera as 100.000 bitácoras

Os blogs lograron facerse un oco coma ferramenta de uso educativo, destacando algunhas bitácoras galegas, e como grande expoñente deste fenómeno temos que a rede Edublogs superou os 100.000 cadernos dixitais dos que 63.000 están hospedados baixo o dominio edublogs.org e 39.000 están dispersos entre webs de estudantes.
Edublogs.org está a ser todo un exemplo con preto de 14 millóns de páxinas vistas e 500 Gb de largo de banda, o que está levando ós seus responsables a todo un reto para manter o servizo. Esta plataforma tamén destacou por ser a primeira en empregar o software WordPressMU (adiantándose incluso a WordPress.com) e permite publicar blogs de balde a profesores e alumnos, co especial interese de que conforman unha comunidade ideal para introducirse na blogosfera dende a perspectiva da educación.