El Poder de la Fuerza contará con novas expansións
luns, 27 de xullo do 2009
A saga
cinematográfica de Star Wars segue con moita forza lonxe da grande pantalla, e
tanto na televisión como nas consolas de videoxogos está a vivir sendas
aventuras paralelas, resultando especialmente rechamante a última xogada de
LucasArts, que anunciou novas expansións descargables para o xogo Star
Wars: El Poder de la Fuerza (nas súas edicións de PlayStation 3 e Xbox
360), que están ambientadas en universos
paralelos, de xeito que poderemos retomar o xogo partindo de cambios
argumentais profundos que situarÃan a acción fóra da continuidade oficial das
aventuras creadas por George Lucas.
Para o outono chegará unha nova trama Infinities,
ambientada no planeta Tatooine, e que parte dun final alternativo de El Poder de la Fuerza no que o
protagonista terÃa matado a Darth Vader e tomado o seu lugar a carón do
Emperador, converténdose no sith máis
poderoso do universo. Esta aventura será enviado a Tatooine para eliminar a
Obi-Wan Kenobi, visitando tamén o palacio de Jabba o Hutt e atopándose co
coñecido cazarrecompensas Boba Fett.
- A expansión de Hoth permitiranos loitar contra Luke Skywalker
E antes de rematar o ano está previsto o relanzamento do xogo nunha Edición Sith que incluirá as expansións
que foron saÃndo nos últimos meses, incluÃndo un nivel exclusivo no que conclúe
a trama Infinities e no que
Starkiller é enviado ao planeta Hoth para rematar coa Rebelión, tendo que
enfrontarse ao propio Luke Skywalker e visitar algunhas localizacións
emblemáticas de O Imperio Contraataca.
Tamén anuncian que o xogo chegará a PC e Mac antes
de rematar o ano, e matizan que o agardado Star Wars: Las Guerras Clon – Héroes de la República retrasa o seu lanzamento
de setembro a outubro.
Trailer das novas expansións para El Poder de la Fuerza