Éxito nas comunidades en liña do filme galego O Apóstolo, que se estrea este mércores
mércores, 31 de outubro do 2012
Finalmente
xa temos O
Apóstolo,
a gran aposta do noso audiovisual, nas pantallas grandes. Logo dos
éxitos acadados por diversos festivais, incluído
o de Sitges, chega ás salas de cinema de todo o Estado e da
mellor maneira posíbel: acabando puntuacións moi salientábeis nas
principais comunidades en español sobre cinema, tanto en
Filmaffinity
(onde acada unha nota de notábel a través da media das votacións
dos seareiros) como Imdb.es
(onde chega a obter nada máis e nada menos que un sobresaínte).
Lembremos que se trata da primeira película europea de animación stop
motion desenvolvida
en 3D estereoscópico.
Este
martes 30, sen ir máis lonxe, celebrouse en Santiago, no Salón
Teatro, a preestrea galega do filme, un acto que contou coa presenza
do
conselleiro de
Cultura
en funcións Xesús Vázquez Abad, e
máis do secretario xeral de Cultura, Anxo Lorenzo.
A
longametraxe
vén
da man
da produtora galega Artefacto Producións e
foi
dirixida polo compostelán Gonzalo Cortizo, presente
na premiere
xunto cos
actores Manuel Manquiña e Carlos Blanco; e mais o músico Xavier
Font; un dos compositores da banda sonora.
Segundo
informa a Consellería, a
elección do 31 de outubro como data da estrea comercial de O
Apóstolo ten
que ver coa relación existente entre a temática escura da fita e o
Día de Defuntos. O protagonista, un preso fuxido do cárcere, verase
ensarillado
en estraños e inquietantes sucesos ao intentar recuperar un botín
que fora escondido anos atrás nunha apartada aldea do Camiño de
Santiago. “Anciáns
sinistros, estrañas desaparicións, un peculiar sacerdote e ata o
arcipreste de Compostela conflúen nunha trama chea de intrigas”,
infórmase.
A
longametraxe, como
dixemos en Código Cero con motivo da posta en marcha do proxecto, é
innovadora en canto ao desenvolvemento do mesmo (a través da técnica
do crowdfounding,
procurando apoios orzamentarios a través das redes) e
tamén no que se reifre
ao seu sistema de rodaxe.
Usouse
unha metodoloxía nunca antes empregada, a animación stop-motion en
3D mesturada coa participación directa dos actores que reais que dan
vida aos personaxes virtuais nos que se inspiran. Así, os
actores protagonistas da versión española –Jorge Sanz, Geraldine
Chaplin, Paul Naschy, Carlos Blanco, Xosé Manuel Olveira Pico,
Luis Tosar, Manuel Manquiña, Celso Bugallo, Isabel Blanco e Pedro
Alonso, entre outros– non lles cederon soamente a súa voz aos
monecos que dan vida aos personaxes, senón que eles mesmos
interpretaron previamente todas as escenas, de xeito que os seus
xestos e expresións reais lles serviron de inspiración aos
animadores.