Fíltrase un vídeo do que podería ser o novo xogo de Team ICO

Nos últimos anos algúns videoxogos chegaron a ser considerados como auténticas obras de arte, e sen dúbida tanto ICO coma Shadow of the Colossus entrarían nesta categoría, e agora os seus desenvolvedores, o Team ICO, poderían estar a traballar nun novo título chamado Trico do que vén de filtrarse un vídeo bastante crible pese a que Sony non confirmase a súa veracidade (supomos que o presentarán no E3).
Nos preto de 4 minutos do clip publicado na web podemos ver un xogo moi semellante a ICO pero con elementos inspirados en Shadow of the Colossus, de xeito que os usuarios fieis á obra de Team ICO poderían quedar máis que satisfeitos. O novo xogo, do que se veñen escoitando rumores durante os últimos anos, sería o paso do seu estudo de desenvolvemento á nova xeración de consolas de videoxogos, con gráficos de alta definición, converténdose posiblemente nun dos maiores lanzamentos do ano.

O vídeo filtrado presenta uns gráficos e unha animación de grande calidade