Foxconn fabricará un tablet con Firefox OS

luns, 3 de xuño do 2013 Marcus Fernández

Hoxe en Taipei confirmáronse as informacións que apuntaban a que Foxconn anunciaría o que sería o primeiro tablet con Firefox OS, aínda que no parece que a compañía vaia limitarse a tal produto, pois a compañía o que asegurou foi a súa colaboración con Mozilla para usar Firefox OS nos seus produtos, subliñando que ambas compañías comparten visión, encaixando moi ben o sistema operativo móbil baseado en HTML5 e tecnoloxías web abertas na estratexia que está a buscar Foxconn para fabricar novos produtos innovadores que mesturen hardware, software, contidos e servizos.
É de agardar que nos vindeiros meses vexamos distintos móbiles con Firefox OS fabricados por Foxconn, pero será aínda máis interesante ver como conseguen fornecer un ecosistema ao seu redor, para o que están a colaborar varias compañías que buscan diversificar estratexias no sector móbil ante o dinamismo deste sector.

PUBLICIDADE