Fujitsu lanzará unha tarxeta de vídeo externa para os seus portátiles AMILO

luns, 19 de maio do 2008 Marcus Fernández

Fujitsu porá á venda nas vindeiras semanas o AMILO GraphicBoster, que sería unha tarxeta gráfica externa baseada en tecnoloxía ATI XGP, que permitiría conectar ata 3 pantallas externas (por DVI-D e HDMI) a ordenadores portátiles (pensando nun principio para os Fujitsu Siemens AMILO, pero que tamén podería funcionar noutros modelos).
As probas realizadas con estas ampliacións gráficas melloraban o rendemento de vídeo dun portátil AMILO por 4,7 (chegando aos 8.000 puntos baixo 3DMark06), o que supón todo un avance, pois permitiría potenciar un portátiles sen ter que adquirir un novo, pois normalmente as capacidades de ampliacións deste tipo de ordenadores é moi reducida.
Outros fabricantes xa están a traballar en produtos semellantes, polo que podemos entender que as necesidades dos usuarios están levando ao mercado en ofrecer solucións para ampliar as capacidades gráficas de equipos que ata o momento se limitaban a ampliacións de memoria RAM ou disco duro.

PUBLICIDADE