GTA: San Andreas adaptarase á VR

xoves, 28 de outubro do 2021 Marcus Fernández

Durante o evento Connect 2021 sorprenderon anunciando que o clásico de Rockstar Games, Grand Theft Auto: San Andreas, leva anos adaptándose á realidade virtual, proxecto que en breve dará os seus froitos, o que permitirá percorrer Los Santos, San Fierro e Las Venturas en primeira persoa como nunca antes se fixo.
A nova versión de Grand Theft Auto: San Andreas chegará a dispositivos Oculus Quest 2, aínda que polo momento non se detallou a data na que poderemos ver este título en realidade virtual. Dado que o xogo lanzouse orixinalmente en 2004 ten uns gráficos bastante limitados, polo que as Quest 2 non deberían ter problema en movelos, aínda que é de esperar que incorporen bastantes melloras para que a falta de detalles non estraguen a experiencia inmersiva.

PUBLICIDADE