Garou: Mark of the Wolves rexurde en Xbox 360
mércores, 24 de xuño do 2009
Os afeccionados aos xogos de
loita de recreativas, e especialmente aos de Neo-Geo, recibirán cos brazos
abertos a chegada de Garou: Mark of the Wolves
a Xbox LIVE Arcade, de xeito que por
800 puntos (9,6 euros) pode mercarse este xogo coma descarga para a
Xbox 360, e mesmo conta cunha versión de demostración na que só podemos ver a 2
dos personaxes deste tÃtulo da saga Fatal
Fury, considerado coma unha das mellores entregas desta saga de SNK que xa
contara con adaptacións para PlayStation 2 e Dreamcast.
Pasaron xa 10 anos dende o lanzamento de Garou
para máquinas recreativas, e esta nova adaptación conserva totalmente os
gráficos e o sistema de xogo do tÃtulo orixinal, non sendo unha versión
mellorada coma outros xogos do xénero (do que o principal expoñente é Super Street Fighter II Turbo HD Remix)
o que pode supor un lastre para o éxito deste intenso e aditivo xogo no que
podemos controlar a Terry Bogard e a 12 loitadores que non apareceran en
anteriores entregas da saga, dándolle un aire fresco que se agradeceu nos seus
dÃas.
- O xogo adaptouse ao formato panorámico engadindo ilustracións estáticas aos lados, de xeito que conserva totalmente os gráficos orixinais da versión de recreativa