God of War Collection chegará ás tendas a finais de abril

Os máis fieis a Kratos e á súa saga de xogos para consolas de Sony que recibiu a súa terceira entrega a pasada semana estarán contentos de saber que vai ser un lanzamento que non vai vir só, senón que o vindeiro 28 de abril van contar cunha agradable compaña: a edición europea de God of War Collection, consistente nun disco Blu-ray que inclúe as versións remasterizadas en alta definición a 60 imaxes por segundo de God of War e God of War II.
Este novo produto poderá mercarse de xeito independente a 39,99 euros, pero os que aínda non adquirisen o God of War III, poderán facerse con ambos produtos nunha edición especial coa triloxía completa por 89,99 euros, o que supón un aforro duns 20 euros.