Icarian pasa a chamarse NyxQuest
xoves, 25 de xuño do 2009
O xogo Icarian:
Kindred Spirits, primeiro título desenvolvido en España para
WiiWare e que saíu á venda o pasado 19 de xuño, veuse forzado a cambiar de
nome, polo que a partires de agora será coñecido coma NyxQuest: Kindred Spirits
por mor da existencia dun xogo de balde na Internet chamado Ikariam (e non
polo clásico Kid Icarus),
segundo declarou Roberto Álvarez, voceiro do estudo Over the Top Games, quen
asegura que non
pensan que violen ningunha marca co seu xogo, pero non contan con capacidade
económica para defenderse xudicialmente.
Polo momento Icarian
segue á venda coma descarga para WiiWare por 1.000 puntos, e o cambio de nome
tardará uns días en facerse efectivo nas distintas tendas virtuais de Nintendo.
Agardemos que esta medida non afecte negativamente a un título que xa recibiu
moi boas críticas, puntuándose
en Nintendolife cun 9 sobre 10 e acadando un 8 sobre 10 outras
publicacións especializadas (coma EDGE
ou Meristation).