Inazuma Eleven podería estrear o seu xogo para Wii en Europa

martes, 29 de maio do 2012 Marcus Fernández

Tras o grande éxito que en Europa tiveron as 2 primeiras entregas da saga de xogos de Inazuma Eleven para Nintendo DS, Level-5 está a preparar o lanzamento de Inazuma Eleven Strikers no territorio europeo, o que supón o salto desta franquía á Wii, nova que entusiasmará aos seareiros destes xogos RPG de fútbol, que poderán gozar dos mesmos no televisor do salón.
Nintendo Europa aínda non anunciou oficialmente este novo lanzamento, senón que o que fixo realmente foi rexistrar o seu título, polo que non sería de sorprender que co gallo da feira E3 que terá lugar a semana que vén realicen algún comunicado a este respecto que fainos entender que o xogo de Wii traducirse para poder gozarse fóra do Xapón.
o Inazuma Eleven Strikers permitirá elixir entre máis de 150 personaxes e crear equipos personalizados, contando incluso coas novas caras que chegarán en Inazuma Eleven Go, o xogo da saga que si ten confirmado o seu lanzamento para Nintendo 3DS.


Trailer da versión xaponesa do Inazuma Eleven Strikes para Wii

PUBLICIDADE