Infinity Blade III estréase na App Store

mércores, 18 de setembro do 2013 Marcus Fernández

A franquía de xogos que máis relevancia ten nas presentacións de Apple parece ser a de Infinity Blade, que tende a empregarse como exemplo de potencia gráfica de cada xeración de dispositivos e, ante o lanzamento de iOS 7 e a inminente chegada do iPhone 5S, chega hoxe á App Store como aplicación universal a un prezo de 5,99 euros o título que pon fin á saga inicial, Infinity Blade III.
Este título deseñado por ChAIR Entertainment presenta uns gráficos de impresión e tirará proveito do procesador de 64 bits do iPhone 5S, aínda que manterá a compatibilidade con iOS 6 e con dispositivos anteriores. Esta nova entrega deste xogo de loita no que combátese empregando xestos na pantalla do noso smartphone ou tablet e doado de controlar, ten uns gráficos tridimensionais moi detallados movidos polo Unreal Engine de Epic Games, incorpora 2 tipos de personaxes (o lendario Siris ou a áxil ladroa Isa), estrea 3 modos novos de xogo en liña, pode almacenar contido en iCloud e incluso pode facer uso da saída HDMI. Aínda que estamos ante unha aplicación de pagamento, cómpre avisar de que tamén inclúe compras dentro do xogo.

O xogo continúa a controlarse con sinxelos xestos realizados cun único dedo

PUBLICIDADE