Initcoms sitúa ao Parque Empresarial de Pereiro de Aguiar na vangarda do deseño web
venres, 6 de febreiro do 2015
A
empresa galega Initcoms Solucións
TIC, con sedes en Ourense e Coruña e centrada en servizos de
desenvolvemento web e programación, vén de presentar este mes de
febreiro un novo e interesante proxecto de seu. Trátase do
novo espazo en liña do Parque Empresarial Pereiro de Aguiar,
unha páxina que salienta, ante todo, polos esforzos postos ten xogo
en materia de deseño e funcionalidade. Ademais, segundo nos conta
Initcoms, outro dos puntos destacábeis é sen dúbida o feito de que
se trata dun “desenvolvemento completamente a medida”.
Isto,
explica a empresa, permitiu dotar o portal dunha completa intranet
ou zona privada, a dispor dos asociados do parque, coa que se poden
ofrecer múltiples servizos, dende boletín de prensa até acceso aos
estatutos, pasando por actas, licitacións, publicacións ou novas
(actualidade).
En
definitiva, trátase dun páxina viva e con a amplas posibilidades de
adaptación a novos servizos e acubillos. De feito, poder incorporar
novas funcionalidades é unha das bases do proxecto: a súa
capacidade de continuar medrando e evolucionando “dunha maneira
segura”. Entre as principais características da web atópase o seu
compromiso polo deseño responsive (permite unha visualización
correcta en calquera dispositivo, tabletas, smartphones,
noteboooks, etc) e pola nosa lingua (o galego) sen desatender os idiomas de
boa parte dos clientes das empresas do parque (inclúense tamén versións en español e inglés). Ademais, é un sitio
“autoadministrábel”, ou sexa que o podemos xestionar a través
dun back office “dunha maneira sinxela e sen necesidade de
posuír amplos coñecementos técnicos”.
Segundo
engaden os seus creadores, a idea é ir alén de acadar un sitio
funcional e cun bo deseño, algo que “está ao alcance hoxe en día
de calquera organización, dende un profesional autónomo até un
parque empresarial”, din. Pola contra, o que se buscou é acadar un
servizo útil, ben presentando, completo, doado de usar e accesíbel
e usábel para todo tipo de usuarios, contornas e dispositivos. “Non
debemos esquecer”, sinalan, “que o noso sitio web é a nosa carta
de presentación en Internet, e o seu aspecto xeral determinará a
percepción que os usuarios teñan da nosa organización”. E
engaden: “Un sitio web renovado tradúcese nunha vantaxe
competitiva para a organización, e mesmo nun aforro nos seus custos
fixos ao poder transformar servizos que antes se ofrecían de maneira
offline en servizos online”.