Kid Icarus: Uprising sairá á venda en España a finais de marzo
mércores, 25 de xaneiro do 2012
O mes pasado soubemos que o agardado xogo Kid
Icarus: Uprising para Nintendo 3DS estaba a piques de ver a luz, anunciándose o seu
lanzamento xaponés para o vindeiro 22 de marzo, 25 anos despois do
lanzamento do Kid Icarus orixinal
para NES, e agora Nintendo confirma que para a súa chegada ás tendas europeas
non teremos que agardar moito máis, pois o
tÃtulo porase á venda no noso territorio só un dÃa despois que no Xapón.
O 23 de marzo teremos nas tendas un xogo que comeza co regreso de Medusa e o
seu exército do inframundo, aos que terá que enfrontarse un anxo heroico que
contará coa axuda de Palutena, deusa da luz e benefactora da humanidade. Esta
aventura combinará combates por terra e aire, podendo axustarse o nivel de
intensidade destes enfrontamentos axustando entre 0,0 e 9,0 un caldeiro maligno
(a dificultade estará fixada inicialmente en 2,0).
O xogo tamén contará con armas coleccionables con 9 categorÃas distintas que
van dende o arco do Olimpo ata as garras de tigre, de xeito que para cada reto
deberemos procurar elixir o armamento máis axeitado.
Nintendo tamén confirma que o xogo incluirá un
soporte de balde que permitirá fixar a Nintendo 3DS sobre unha superficie
lisa, achegando unha experiencia de xogo diferente (menos portátil do habitual,
pero máis atinada para o tipo de control que presenta este atractivo tÃtulo de
acción). Tamén será posible empregar o xogo co botón deslizante Pro (que
comezará a comercializarse co xogo Resident
Evil: Revelations.
O xogo incluirá de balde o soporte que xa se anunciara no Xapón