Killer Instinct para Xbox One desbloqueará a versión para PC do xogo

luns, 4 de xaneiro do 2016 Marcus Fernández

Os usuarios Gold de Xbox LIVE poden facerse este mes sen custo adicional coa Edición Completa Ultra de Killer Instinct para Xbox One, o que non só suporía o aforro de 39,99 euros na versión de consola do xogo, senón que están a dar conta de que estamos ante un título cross-buy con Windows 10, ou sexa, que os usuarios que este mes canxeen o xogo para Xbox One espérase que no mes de marzo poidan descargar tamén a versión para PC, que sairá simultaneamente coa terceira tempada de Killer Instinct.
O xogo de loita non só permitirá que quen o compre nunha plataforma poida xogalo en ambas, senón que tamén contará con xogo cruzado, ou sexa, que non haberá diferenza entre xogar a Killer Instinct en Xbox One ou en PC con Windows 10, o que favorecerá ao seu xogo en liña, que contará cunha maior base de xogadores en competición.

JPEG - 137.8 KB
Este mes os xogadores de Xbox One con Gold reciben sen custo adicional os loitadores das súas primeiras tempadas de Killer Instinct

PUBLICIDADE