LG prepara televisores a 480 Hz

LG Display anunciou que desenvolveu a primeira pantalla LCD con tecnoloxía Trumotion 480Hz, que conseguiría un refresco da imaxe 480 veces por segundo, o que permite representar máis nitidamente as imaxes en movemento, para o que combinan paneis a 240 Hz (que se apagan e aceden alternativamente).
A tecnoloxía Trumotion 480Hz tamén ten un tempo de resposta de só 4 milisegundos, eliminando a sensación de difuminado de imaxes en movemento. Tamén melloran o contraste e incluso permite reducir o consumo axustando o brillo da retroiluminación.
Os primeiros paneis con esta tecnoloxía chegarán ao mercado na segunda metade de 2009, aínda que se poderán ver prototipos dos mesmos durante o CES de Las Vegas.