Lara Croft protagoniza un novo runner para móbiles
luns, 13 de abril do 2015
A franquía de xogos de Tomb
Raider leva tempo empregando o nome da súa protagonista, Lara Croft, como
marca para videoxogos fóra da súa saga principal, desenvolvidos cuns recursos
moi inferiores e cunha vocación de chegar a un público máis ocasional (como os
usuarios de dispositivos móbiles) e nesta liña Crystal
Dynamics e Square Enix anuncian que están a traballar en Lara Croft: Relic Run, un runner
con elementos acrobáticos, vehículos e combates con xefes finais que hoxe mesmo
iniciou a súa distribución nos Países Baixos nas súas versións para iOS e
Android, o que servirá para optimizar este título free-to-play antes do seu lanzamento definitivo, no que tamén
contarase con versión do xogo para Windows Phone 8.
Non parece que a chegada a España de Relic
Run vaia ser inminente, xa que falan de que a estrea global producirase “nos
vindeiros meses”, dando a impresión de que queren escalar debidamente os
servidores en liña que o xestionarán, á vez que procurarán equilibrar o título
para conseguir adaptalo aos gustos do usuario (algo que resulta bastante
complicado no casos dos xogos que seguen o mesmo modelo de negocio).
- O xogo semella unha versión evolucionada do clásico Temple Run