Mans libres para telefonía fixa sen fíos

Nos fogares hai tempo que son populares os teléfonos sen fíos con tecnoloxía DECT, que facilitan o uso de varios terminais cunha única base, e aínda que boa parte destes dispositivos conte con modos de funcionamento en mans libres, seguen a ter un tamaño considerable e son pouco transportables, de aí que Siemens comercialice o novo Gigaset L410, un pequeno mans libres que en vez de emparellarse por Bluetooth co noso móbil, pode funcionar na nosa rede sen fíos de telefonía fixa, ata a unha distancia de 50 metros da súa base (en interiores) e cunha autonomía de 120 horas en espera e 5 horas en conversa.
O Gigaset L410 mide 79 x 36 x 20 milímetros, pesa 31 gramos, ten 5 niveis de volume dos seus tons de chamada, pode vestirse grazas a unha pinza na súa parte traseira e inclúe unha base de carga. O seu prezo de venda é de 50 euros, e supón un complemento ideal para que quere empregar a telefonía móbil mentres realiza actividades como cociñar, limpar ou traballar no ordenador.